Рет қаралды 17,092
Достар, тұрғын үй төлемдерін алушылар үшін тамаша жаңалығымыз бар.
Енді сіз OTBASY BANK мобильдік қосымшасы арқылы өз телефоныңыздан депозит, несие, жалдамалы тұрғын үй үшін ақша аудара аласыз.
Ол үшін мобильдік қосымшаға кіріп, «Менің арнайы шотым» бөліміндегі «Аударымдар» батырмасын басуыңыз керек . Одан кейін, қаражатты қайда аударғыңыз келетінін таңдаңыз (депозит, жалдамалы тұрғын үй немесе несие). Депозитті толықтыру үшін қажетті соманы енгізіп, «Аудару» батырмасын басыңыз. Бірнеше секундтан кейін сізге бірретік код көрсетілген СМС хабарлама келеді. Сол кодты енгізіп, операцияны растауыңыз қажет.
Егер сіз несие немесе жалдамалы үй үшін ақша аударғыңыз келсе, онда «Аудару» батырмасын баспастан бұрын, жеке немесе заңды (компания) тұлғаның қайсысына ақша аударғыңыз келетінін таңдауыңыз керек. Одан кейін, қаражатты алушының реквизиттерін енгізіңіз (жеке тұлғаның ЖСН-і, заңды тұлғаның шот нөмірі). Сосын, сома мөлшерін көрсетіп, «Аудару» батырмасын басыңыз. Сол кезде төлемді растау үшін сізге бірретік коды бар СМС хабарлама келеді.
Бәрі жылдам әрі оңай және еш жерге барудың қажеті жоқ. Үйде отырыңыз да, өзіңіз бен жақындарыңыздың қауіпсіздігін сақтаңыз!